70% lækkun mælt í evrum

46% raunlækkun í krónum á fasteignum segir ekki alla söguna. Mælt í evrum verður lækkunin mun meiri líklega nálægt 70%.  Það er því líklegt að allir sem tóku húsnæðislán í gjaldeyri munu enda uppi með negatífa eiginfjárstöðu. 

Ísland mun fara í sögubækurnar sem "besta" dæmið um þá gríðarlegu áhættu sem því fylgir að taka húsnæðislán í erlendum gjaldeyri.

Ísland vinnur engin gull á Ólympíuleikunum en í fjármálu eigum við hvert heimsmetið á fætur öðru. 

46% raunlækkun fasteigna

Athugasemdir

[joi (IP-tala skráð) 7.5.2009 kl. 12:32]

Þetta kennir mönnum að taka ekki lán í öðrum gjaldmiðlum en tekjurnar. Þetta er svo einfalt mál að það ætti ekki einu sinni nefna þetta.

Flestir sem tóku þessi gjaldmiðlalán ætluðu að græða. Þeir hljóta að hafa lesið klásúluna í samningnum um að gjaldeyrislán bæru meiri áhættu en hefðbundin lán? Þetta stendur skýrum stöfum í samningnum sem er gerður milli þess sem veitir lánið og þess sem tekur á móti því?

Annars fengu menn sem tóku gjaldeyrislán fyrir ca 2-3 árum að borga af erlenda láninu á allt of lágu gengi í 1-2 ár. Núna þegar gengið er búið að vera of hátt í rúma átta mánuði eru allir farnir í mínus. Menn gleyma að vextir af þessum erlendu lánum hafa lækkað, það vegur á móti. menn hafa líka gleymt að afborganir þessara lána eru yfirleitt ekki til skamms tíma. Menn eru að borga þetta á mörgum árum eða jafnvel áratugum. Yfirleitt jafnar þetta sig út á einhverju meðalgengi sem er mun lægra en verið hefur síðustu mánuðina.

[Sigurður Haraldsson (IP-tala skráð) 7.5.2009 kl. 22:08]

Allflestir atvinnurekendur sem tóku erlend lán tóku þau til fárra ára og finna þess vegna mikið fyrir greiðslunum ásamt minnkandi vinnu. Það sem hefur haldið flestum á floti er frysting og greiðslujöfnun. Eftir standa fáránlega há lán sem lengjast i annan endann en atvinnutækin ganga úr sér og ekki hægt að kaupa ný vegna gríðarlegs innflutningsverðs og hárra lána sem hvíla á þeim gömlu. Bílakaupin eru annar kapítuli sem er búin að fara illa með mjög marga. Ástæða lántökunnar var vaxtaokurstefna seðlabankans og gott aðgengi fjármagnsins.