Pólitísk fyrirgreiðsla

Á meðan bankaráðin eru pólitískt skipuð er erfitt að sjá að aðgerðir í atvinnulífinu séu teknar af óháðum aðilum á viðskiptalegum grunni.  Þetta fyrirkomulag getur haft ófyrirsjáanlegar afleiðingar fyrir atvinnulífið á landinu um ókomin ár.  Stærsta hættan er að atvinnuleysi og lág laun verði viðvarandi enda hefur ekkert land getað rekið stóran hluta af sínu atvinnulífi undir ríkisforsjá með góðum árangri.  Austur Þýskaland komst næst því, er það leið sem við viljum fara?

Atvinnulífið í höndum íslensku ríkisbankanna

Athugasemdir

[Almenningur (IP-tala skráð) 7.5.2009 kl. 08:41]

Sæll.

Spillingin er hér alls ráðandi. Spurningin er hins vegar hvaðan koma allir þess "fjárfestar", sem allt í einu virðast eiga næga fjármuni til kaupa fyrirtæki til vinstri og hægri ????

 Eina leiðin til að þeir geti eignast þessi fyrirtæki eru að bankarnir velji að veðja á þessa aðila! Þá kama á fullum þunga geðþótta ákvarðanir sem miðast að því að hygla vinum og vandamönnum.

[Gulli (IP-tala skráð) 7.5.2009 kl. 09:08]

Já en er ekki öll spillingin og einkavinavæðingin í Sjálfstæðisflokknum? Ég hélt eftir umfjöllun undanfarinna mánaða og hamfarir ýmsra að Sjálfstæðisflokkurinn væri eini spillti flokkur landsins, sá eini sem gæfi vinum og vandamönnum fyrirtæki og veldi eftir geðþótta hvaða fyrirtæki fengju að lifa og hver ekki.

[Andri Geir Arinbjarnarson, 7.5.2009 kl. 12:36]

Það er sami spillingarrassinn undir öllum flokkunum.  Hvað ætli það sé stór hluti þjóðarinnar sem heldur því fram að Sjálfstæðisflokkurinn sé 100% spilltur á meðan Vinstri Grænir séu 0% spilltir?  Svona vilja flokkarnir hafa þetta.  Spillingarumræðan á að vera á milli flokka ekki innan.  Svo skilgreina flokkarnir hugtakið "spillingu" allir á mismunandi hátt sem sér um að umræðan fer í hringi þar til fólk gefst upp á henni.

Þegar stjórn Geirs Haarde kom með þá tillögu á Alþingi eftir hrunið að flokkarnir réðu í bankaráðin eftir flokkslínum eins og gert var fyrir 20 árum mótmælti enginn flokkur, ekki einu sinni VG. Látum staðreyndirnar tala.

[Sigurður Haraldsson (IP-tala skráð) 7.5.2009 kl. 22:55]

Burt með flokksgræðgina lifi byltingin.