Aðeins x-S eða x-B getur varnað vinstri stjórn!

Það verður ekki af Davíð skafið, hann lífgar upp á allar samkomur og talar tæpitungulaust.  Hvort hann er hæfari Seðlabankastjóri en "norski lausamaðurinn" er annað mál.

Þar sem enginn vill fara í stjórn með Sjálfstæðisflokknum er aðeins um eitt að velja, kjósa næst besta kostinn sem er annað hvort x-S eða x-B. 

Að kjósa x-D styrkir aðeins VG.

Ef nógu margir Sjálfstæðismenn kjósa S eða B þannig að samanlagt fái þeir 50% er búið að sparka VG út í háa grasið. Annar möguleiki er meirihlutastjórn S án B.  Óskastjórn EB sinna.  Hnífurinn gæti snúist í höndum Steingríms!

Kaldhæðni örlaganna er að hvert atkvæði sem er greitt x-D færir Sjálfstæðismenn nær 2% eignarskatti VG.

Já, nú eru góð ráð dýr!

 

NB.  Að kalla Svein Harald lausamann, er nú ekki eins fjarlægt sannleikanum og sumir halda.  En meir um það seinna.

Víkingar með Samfylkingu

Athugasemdir

[Vilhjálmur Örn Vilhjálmsson, 29.3.2009 kl. 19:03]

Er Sveinn laus og liðugur? "Meira um það seinna". Ég fylgist með.

Af hverju ertu með þennan hræðsluáróður, Andri? Það kemur 2% eignarskattur (eða 3,5%) sama hver kemst til valda. Alveg sama hvert stafrófið verður.

Peningarnir koma ekki lengur af himnum.

[Andri Geir Arinbjarnarson, 29.3.2009 kl. 23:36]

Eignarskattur mun koma eldri borgurum í greiðsluerfiðleika við ríkið.  Það er alltaf mamma og pabbi sem eiga að borga fyrir mistök afkvæma sinna.  3.5% eignarskattur er eignarupptaka, þú tapar húsinu þínu á 40 árum.  Þeir sem sýndu ráðdeild og tóku ekki þátt í þessu skulda bulli þurfa að borga. Hvar hefur þú þessa tölu 3.5%?

[Vilhjálmur Örn Vilhjálmsson, 31.3.2009 kl. 13:17]

Kannski vanmat, kannski ofmat. En ég get ekki treyst Vinstri Grænum í stjórn með Samfylkingunni. Ég viðurkenni að 3,5% er bara fengin hjá völvu Politikens, og hún er rugluð. En ef ástandið er eins slæmt og þú lýsir í dag (og Egill Helgason gerir orð þín meira að segja að umtalsefni), ja, þá er best að vera við öllu búinn. 

Aumingja gömlu mömmurnar og pabbarnir sem ekki skulda neinum neitt. Kannski ætti að friða alla yfir 50 ára aldri, nema sannað þyki að þeir hafi verið glæpamenn af skilgreiningu Evu Joly?