Falskur svanasöngur

Þessi afsökun Geirs er álíka og að skipstjórinn á Titanic hefði beðið farþega afsökunar á því að stefnan hefði verið sett svo norðarlega við Bishop´s Rock fyrir utan strönd  Englands en ekki að siglt hafi verið á ísjaka.  Ekki er minnst á þá staðreyndir að ekki hafi verið dregið úr hraða skipsins þegar ísjakar sáust, eða að ekki voru nægilegir margir björgunarbátar um borð, eða að bátsmaður hefði týnt lykli að skáp sem hafði að geyma kíki til ísjakaskimunar.  Nei þessi afsökun kemur seint og er ósannfærandi.

Einn af hornsteinum einkavæðingar í Bretlandi undir stjórn Thatcher var dreift eignarhald.  Þetta hlýtur Sjálfstæðisflokkurinn að hafa vitað eða að minnsta kosti Hannes Hólmsteinn.  Hvers vegna vikið var frá þessari stefnu er hin stóra spurning sem ekki hefur fengist svar við.  Hvað lág þar á bak við?  Hvað gerði þessa svokölluðu "kjölfestufjárfesta" svona ómótstæðilega að hægt var að kasta grundvallar einkavæðingarsjónarmiðum fyrir róða?  Við fáum varla svör við þessum spurningu fyrr en eftir 50 ár ef þá nokkurn tíma.

Hvað varðar EES samninginn, þá er hann rauð síld (red herring) eins og kallað er á ensku.   Ég efast um að fleiri en 10% þingmanna sem þá sátu á þingi hafi lesið hann spjaldanna á milli og skilið í hvað honum fólst. Prófkjör gera ekki slíkar kröfur til verðandi þingmanna.  

Ef Sjálfstæðismenn þurfa að læra eina lexíu af þessum hörmungum þá er það sú að læra að hlusta á aðra en sína flokksmenn og málpípur.  Það er stór heimur þarna fyrir utan Valhöll sem er vert að skoða og njóta.

Mistök gerð við einkavæðingu

Athugasemdir

[Friðrik Hansen Guðmundsson, 26.3.2009 kl. 23:29]

Flottur pistill sem hittir beint í mark. Get ekki verið meira sammála.

Það má auka við þetta líkingarmál þitt Andri og segja að þegar sást til "ísjaka" þá var ekki eins og skipstjóri Titanic gerði að halda óbreyttum hraða. Á Icelandic Titanic ar ákveðið að hraðinn skildi aukinn enn frekar með því að afnema bindiskyldu bankana í útibúum sínum erlendis.

Þegar sást til "ísjaka" á Icelandic Titanic var slegið undir nára á þeirri helreið bankarnir voru á.

[Egill (IP-tala skráð) 27.3.2009 kl. 00:09]

Mér finnst ad thessir hrokafullu og sidlausu bjánar í thessum vidbjódslega spillingar og sérhagsmunaflokki ekki hafa rétt á ad draga hinn íslenska fána nidur í svadid med thví ad nota hann sem baksvid á theirra ömurlegu samkomu.  Hraesninni í spillingarflokkinum eru engin takmörk sett.