Talað undir rós: Skattahækkanir og niðurskurður á leiðinni?

Árið 2011 er búist við viðsnúningi í hagvexti og 2013 á ríkissjóður að skila afgangi!  Hvernig á þetta að gerast?  Ríkissjóður skilar ekki hagnaði nema tekjur stór aukist eða útgjöld snarminnki.  Stjórn VG og S munu reyna að halda niðurskurði í lágmarki svo gríðarlegar skattahækkanir eru eina leiðin.  Af hverju má ekki tala um skatta, niðurskurð eða EB?  Ekkert af þessu er að finna á þessum nýja glansvef ríkisstjórnarinnar www.island.is.  Hvernig getur fjármálaráðherra komist upp með að segja að það verði afgangur á ríkissjóði án þess að minnast á tekju- eða útgjaldhlið ríkisreikningsins og útskýra hvernig þessi afgangur muni myndast?  

 

NB. Þetta þýðir bara eitt:  Niðurskurður og skattahækkanir sem kynntar verða eftir kosningar eru af þeirri stærðargráðu að enginn þorir að tala um þetta fyrir kosningar.

 

Þjóðarbúið mun ná sér á strik

Athugasemdir

[Ína (IP-tala skráð) 17.3.2009 kl. 14:59]

Ef skattar verða hækkaðir sem er sennilegt til að ná inn meiri tekjum þá hljóta skattleysismörk að hækka. Það mun hjálpa þeim lægst launuðu sem geta ekki borgað hærri skatta.

Það verður líklega tekið á þessu eftir kosningar í vor, það er ekki hægt að búast við því að þessi ríkisstjórn geri allt og reddi öllu á þeim stutta tíma sem hún starfar. Vona að hún sitji eftir kosningar því annars fer allt í kaldakol. Guð hjálpi Íslandi ef sjálfgræðisflokkurinn fær völdin aftur. Þá verðum við líklega skotin á færi því það er svo lítið eftir til að hirða af okkur.....

[Andri Geir Arinbjarnarson, 17.3.2009 kl. 15:12]

Ég er ansi hræddur um að allir flokkar geri sér grein fyrir að skattahækkanir og niðurskurður er eina leiðin til að uppfylla skilyrði AGS 2013.  Hins vegar vita þeir að þetta er ekki vinsælt umræðuefni og veigra sér við að tala um þetta.  Mun betra að geyma þetta þangað til eftir kosningar.  Ef flokkarnir geta ekki komið fram og gert skilmerkilega grein fyrir þeirra stöðu og markmiðum í þessum málaflokkum er fokið í flest skjól.  Stjórnmál eru ekki trúarbrögð.