...og íslenskt orðspor í tætlum!

Ekkert eyðir orðspori Íslands erlendis eins og svona frétt.  Fólk gleymir þessu ekki fljótt enda mun þetta hafa varanlegar afleiðingar fyrir umönnun og lækningu á krabbameinssjúkum og breska pressan er ansi góð að halda þessu á lofti um langan tíma og ekki gleymist að bankinn var íslenskur og er nú kominn í ríkiseign. (Enginn greinamunur er gerður á gömlu og nýju bönkunum erlendis)

 

Breskt sjúkrahús tapar vegna hruns Kaupþings

Athugasemdir

[Jón Flón (IP-tala skráð) 10.3.2009 kl. 10:48]

Manni fallast hreinlega hendur. Hvað er hægt að gera? Við erum með ríkisstjórn sem er gjörsamlega huglaus og stjórnarandstöðu sem tók þátt í sukkinu. Tveir frábærir valkostir fyrir komandi kostningar.

Þjóðin vill réttlæti en yfirvöld eru ráðalaus. Hversu lengi er hægt að búa hérlendis? Svo ekki sé minnst á að við erum nú þegar byrjuð að selja landið í hendur annarra þjóða. Hér verður ekkert eftir nema köld auðnin, rétt eins og þegar Naddoddur kom hér að.

[Agla (IP-tala skráð) 10.3.2009 kl. 11:13]

Því miður er ég algjörlega sammála færslunni.

Nákvæmlega það sama gerðist í Hollandi.                                           Tryggingastjóðirnir þar gerðu mun á aðstoð vegna Icesave málsins eftir því hvort innistæðueigandinn var einstaklingur, stofnun, bæjarfélag eða sýsla. Einstaklingar fengu meiri aðstoð hjá hollenska tryggingarsjóðnum, en hinir innistæðueigendurnir eru einmitt þeir sem hafa greiðan aðgang að fjölmiðlum og notuðu hann eðlilega óspart til að vekja athygli á breyttum aðstæðum sínum vegna "hruns íslenska bankakerfisins".  Það sem eftir stendur í hugum almennings er að Íslandi sé ekki treystandi og kannski er það skiljanlegt því upplýsingar um gang málanna virðast ekki liggja á lausu, hvorki innanlands né utan.                                                    Mér þætti fróðlegt að vita hvernig íslensku bankaútibúin sem störfuðu erlendis "kvöddu" sína innistæðueigendur. Vonandi hafa þau gert allt sem á þeirra valdi stóð til að takmarka skaðann sem "Orðspor Íslands" yrði fyrir vegna "hrunsins".