Darwin 200 ára afmæli í dag

Í dag er haldið upp á 200 ára fæðingarafmæli Charles Darwins eins frægasta og merkasta vísindamanns allra tíma. Fáir vísindamenn frá 19. öld eru jafn umtalaðir á 21. öldinni og Darwin enda tók það liffræðinga um 100 ár að skilja og viðurkenna að þróunnarkenning Darwins var i öllum aðalatriðum rétt. Og enn er deilt og rætt um Darwin, ekki aðeins af heimspekingum og guðfræðingum heldur einnig af líffræðingum sem eru enn að uppgötva og sanna að Darwin hafði rétt fyrir sér.

En hvernig gat Darwin verið svona langt á undan sinni samtíð. Margir benda á að Darwin hafði bæði haft tíma og víðsýni til að krefja hlutina til mergjar. Allar mótbárur voru vandlegar athugaðar þangað til viðeigandi svör fundust. Darwin hugsaði um hvert einasta smáatrið í kenningu sinni og vann að bókinni “On the Origin of the Species” í 20 ár aður en hún kom út. Fáir vísindamenn hafa tækifæri til slíkra vinnubragða í dag, þar sem vísindamenn þurfa stöðugt að sækja um styrki og gefa út 10-15 greinar á ári. Ennfremur er bent á að Darwin hafði bæði kjark og hugarstyrk til að viðurkenna a þróunn lífs hefði engann tilgang. Það er varla hægt, í dag, að ímynda sér hversu byltingarkennd og ógnvekjandi þessi uppgötvun Darwins var á miðri 19. öld.

Núverandi og komandi kynslóðir geta lært margt af vinnubrögðum Darwin . Þau hafa staðist tímans tönn og sanna að sundum er betra að gefa sér góðan tíma til að hugsa málin og velta hlutum fyrir sér áður en til ákvörðunar kemur.

Mikil hátíðarhöld verða á þessu ári í tilefni 200 ára afmælis Darwins og mun Háskóli Íslands standa fyrir málþingi undir yfirskriftinni “Hefur maðurinn eðli?”

Athugasemdir

[Friðrik Hansen Guðmundsson, 13.2.2009 kl. 01:59]

Flott grein