Ekkert Icesave - engin lán

Því miður halda þeir sem styðja Ísland erlendis ekki á buddunni.  Fréttamenn og hagfræðingar geta auðvita sagt sitt en það sem allt veltur á er afstaða ráðamanna á hinum Norðurlöndunum. 

Norðmenn eru utan ESB og hafa því aðeins meira svigrúm til að hjálpa Íslendingum en hin Norðurlöndin, en hins vegar eru pólitísk og efnahagsleg tengsl Norðmanna við Breta miklu mikilvægari en söguleg tengsl við óstirðláta víkinga sem flúðu land fyrir rúmum 1100 árum.

Við eru komin í þvílíkan hnút með þetta mál að það er vart annað hægt að gera en að samþykkja þennan samning, ef ekki er hægt að fá Breta aftur að samningaborðinu sem virðist ansi langsótt.

Við þurfum að fara að hugsa um hversu lengi við getum haldið þessari deilu á lofti og látið allt annað sitja á hakanum.  Hver mínúta sem fer í Icesave er mínúta töpuð í önnur mál.

 

Mjög gott skref

Athugasemdir

[Sigurður Már (IP-tala skráð) 11.1.2010 kl. 18:07]

Það sjá bara ekki þessir fuglar sem blogga hér út og inn eða stjórnarandstaðan. Því miður.

[Finnur Bárðarson, 11.1.2010 kl. 18:13]

Kanski verðum við að fara að horfast í augu við ömurlegan veruleikann.

[Logi Logason (IP-tala skráð) 11.1.2010 kl. 18:35]

Í þessu máli hafa lýðskrum og yfirboð stjórnarandstöðu náð hærri hæðum en áður hafa náðst á Íslandi. Síðan eru hægri sinnaðir bloggarar að sigla seglum þöndum inn í tæran fasisma með stöðugu landráðabrigsli og fyrirlitningarhjali um ríkisstjórnina og alla þá sem hana styðja. Annað hvort eru þeir skyndilega gengnir af göflunum, vegna ástandsins sem þeirra menn skópu í landinu, eða geta ekki lengur setið á sínu rétta eðli. Það er að verða viðbjóðslegt að lesa blogg þessara ósanngjörnu hálfvita.

[Finnur Bárðarson, 11.1.2010 kl. 18:45]

Það er nóg að segja að maður hafi efasemdir þá er maður búinn að fá stimpilinn Logi.

[Óskar (IP-tala skráð) 11.1.2010 kl. 18:50]

Hvernig ætli upplitið á ykkur verði þegar búið er að laga þennan ófögnuð?

Þá eigið eftir að skríða meðfram veggjum.

[Haraldur Hansson, 11.1.2010 kl. 19:02]

Ef við höfnum IceSave fáum við kannski engin lán.
Ef við samþykkjum IceSave höfum við ekki efni á að taka lán.

Auðveldasta leiðin er auðvitað að gefast upp. Hinn er torfærari en mun skila betri sátt og réttlátari niðurstöðu þegar upp er staðið.

[Logi Logason (IP-tala skráð) 11.1.2010 kl. 19:31]

Óskar, ef tekst að laga þennan ófögnuð fagna ég því, ekki síst vegna þess að það dregur verulega úr ábyrgð hrunflokkanna á ástandinu. Við vinstri menn skríðum ekki meðfram veggjum. Þar yrðum við í slæmum félagsskap, þinna og álíka sakbitinna sauða.

PS. Hvernig finnst þér til hafa tekist með einkavæðinguna? Hver eru næstu áform þíns flokks um einkavæðingu í landinu? Kannski bara af baki dottinn, eins og forsetinn? Svaraðu því.

[JR (IP-tala skráð) 11.1.2010 kl. 19:38]

Er ekki sagt að ICESAVE liðið eigi milljarða  í skattaskjólum breta  ?

Hvernig væri að byrja á því að fá eitthvað upp í ICESAVE skuld ?

Síðan setjumst við niður og athugum næsta gjörning í þessum einkavinamáli sjálfstæðisflokksins !

[Finnur Bárðarson, 11.1.2010 kl. 21:23]

Þetta snýst um að vernda brennuvargana Bjöggana t.d. af því að þeir eru með rétta flokksskýrteinið. Haraldi er ekki tíðrætt um þá og þeirra aðkomu.

[Guðmundur Ásgeirsson, 12.1.2010 kl. 03:52]

Ekkert IceSave = engin lán = lægri skuldir = gott mál !

[Andri Geir Arinbjarnarson, 12.1.2010 kl. 07:20]

Guðmundur,

Ef ríkið og atvinnulífið fær engin lán er það álíka og segja við fjölskyldur landsins að í framtíðinni verði þið að safna fyrir bíl og íbúð.  Engin lán = lægri skuldir heimilanna.

Og ef enginn fær lán kemst enginn í greiðsluvandræði vegna lána= gott mál.?