Viðsnúningur?

Það er hlustað á forseta erlendis og það veit Ólafur Ragnar.  Ólafur hefur haldið vel á spilum síðan hann tilkynnti ákvörðun sína og útskýrt hana vel og rækilega fyrir erlendum blaðamönnum.  Í dag birtust 5 greinar um Ísland í  Financial Times, virtasta og mest lesna dagblaði innan ESB höfuðstöðvanna í Brussel og hjá AGS í Washington.  

Hann notar tungumál sem höfðar til almennings og þar með leggur hann sitt á vogaskálarnar til að hafa áhrif á almenningsálitið erlendis í garð Íslands.  Sérstaklega áhrifarík er höfðun hans til lýðræðislegra vinnubragða og reynslu Íslands í þeim efnum, sem elsta þingræðis í heimi.  Að vísu gengur þetta ekki alveg upp hjá honum og nokkrir hafa sé í gengum þetta, en hins vegar er erfitt að gagnrýna Ólaf fyrir að leyfa landsmönnum að ganga til lýðræðislegra kosninga.  Enginn ráðamaður erlendis getur sett sig upp á móti því og þar með hefur Ólafi tekist að halda hinu erlenda kastljósi á sér og sínum skoðunum.

Ólafur ætti auðvita að verða forsætisráðherra.  Hæfileikar hans nýtast aðeins takmarkað í stöðu Forseta.  Kannski er þetta undirbúningur að nýju starfi þegar kjörtímabil hans rennur út?  Hver veit?  

En því má ekki gleyma, að augnabliksathygli og góð umræða er ekki sama og sigur.  Mikið verk er framundan við að ráða fram úr vanda Íslands og þeirra mistaka sem hafa verið gerð fyrir og eftir hrun.

 

Athugasemdir

[HF (IP-tala skráð) 7.1.2010 kl. 15:58]

Held að margir landsmenn séu farnir að fá grænar bólur þegar heir heyra nefnt icesave. Vilja fá þetta út úr heiminum og hugsa sem svo það hlýtur að verað hægt að  sjatla þessi mál síðar þegar menn hafa áttað sig betur á öllu ferlinu. Með nýjum herrum koma nýjir siðir, við losnum við Brown og Darling o.s.frv. Hvað sem um Ólaf Ragnar má segja er hann samkvæmur sjálfum sér í þessu máli og hefur tekið þá ákvörðun og áhættu að brjóta ferlið. Það tefur ýmis önnur (og mikilvægari) mál og eftir er að sjá hversu mikill skaðinn verður eða hvort þetta verður bara skárra til lengri tíma litið.

[Guðmundur Jónsson, 7.1.2010 kl. 20:07]

Það voru 3 lausnir á Icesave ORG er búín að velja leið 2.

http://mummij.blog.is/blog/mummij/entry/904828/