BBC: Erlendir fjármálamarkaðir lokast fyrir Ísland

BBC Newsnight greindi frá því í kvöld að íslenskum ráðamönnum hafi verið gert grein fyrir því í prívat samtölum að erlendir fjármálamarkaðir lokist fyrir Ísland semjist ekki um Icesave.

Greinilegt er að Holland og Bretland eru tilbúnir að taka mjög hart á Íslendingum og eru að safna í lið hjá ESB og AGS.

Ef þessi deila leysist ekki fljótt mun gjaldeyrisskortur gera vart við sig með skömmtunum og innflutningshöftum.  Þá er ekki fyrir það skotið að erlend lán verði kölluð inn sem geti sett fyrirtæki í þrot.

Óhugsandi er að hin Norðurlöndin sem eru innan ESB gangi geng vilja Breta og Hollendinga og einnig er ólíklegt að Norðmenn sniðgangi sína miklu vinaþjóð Breta.  Þar með fellur efnahagsáætlun AGS um sjálfa sig þar sem fjármögnunin er ekki í lagi eins og Flanagan gefur í skyn.

Í þessu samhengi verður þjóðaratkvæðisgreiðsla um Icesave skammgóður vermir, enda telja Bretar engar líkur á að Icesave verði samþykkt þar samkvæmt sömu frétt frá BBC.

AGS: Icesave ekki skilyrði

Athugasemdir

[Einar Björn Bjarnason, 5.1.2010 kl. 23:50]

Þú ert að meina, að fram að þessu, hafi lán verið að streyma til Íslands, án sérstakra skilyrða - en, núna verði allt lokað í lás?

Ekki hef ég séð þess nokkur merki, að um sé að ræða breytingu frá því ástandi, sem var þegar orðið ríkjandi.

Kv.

[Doddi D (IP-tala skráð) 6.1.2010 kl. 00:17]

Já, það verður spennandi að fylgjast með því hvernig Bretar og Hollendingar ganga í skrokk á örþjóðinni Íslendingum fyrir smáaura og hvernig Norðurlandaþjóðirnar munu fylgjast með án þess að aðhafast.

 En hvernig var það annars? Átti ekki að koma 90% uppí skuldina? Hvort eð er? 

[Guðmundur Ásgeirsson, 6.1.2010 kl. 01:54]

Fáum við sem sagt ekki meira lánsfé frá útlöndum ?

Flott, þá eykst ekki skuldsetning ríkissjóðs á meðan !

[Tryggvi (IP-tala skráð) 6.1.2010 kl. 01:57]

oG það verður skortur á vörum vegna þess að enginn vill versla við okkur og ekki er til neinn gjaldeyrir!

Flott, allir taka strætó því einkabíla fá takmarkað bensín ;)

[Guðbjörg Þórðardóttir (IP-tala skráð) 6.1.2010 kl. 07:46]

Komið sæl og góðan daginn

Ég hef verið "bögglast" með spurningu mína hér og þar, en ekki fengið svar: (sennilega ekki spurt á réttum stöðum).  Reyni allavega hjá ykkur:

Spurning mín er sú hvort e-r hefur reiknað út hvað endurgreiðsla skulda íslendinga vegna Icesave er stórt hlutfall af fjárlögum Íslands á ársgrundvelli ??  (Miðað við höfðatölu)

Og í beinu framhaldi af því hvernig lítur það hlutfall út á fjárlögum breta annars vegar og hollendinga hins vegar á sama grundvelli ??  (Líka miðað við höfðatölu).

Svo er líka áhugavert að vita hvað endurgreiðsla Íslendinga skiptir miklu máli í raun fyrir þessi lönd.  Skil nefnilega ekki hversvegna hálf heimsbyggðin fer öll á annan endann vegna þessa máls.

Með baráttukveðjum

Guðbj. Þ.

[Val (IP-tala skráð) 6.1.2010 kl. 08:33]

Hvernig væri að svo vel menntaður maður og klár kæmi fram með smá vott af bjartsýni og hugleiðingu um hvernig við gætum leist úr málinu án þess að láta kúga okkur í því efnahagsstríði sem við eigum nú í.   Í styrjöldum fyrr á árum voru þeir kallaðir landráðamenn sem studdu óvininn og það gerir þú. 

[Andri Geir Arinbjarnarson, 6.1.2010 kl. 09:27]

Val,

Þú gengur út frá að Bretar og Hollendingar séu óvinir okkar í stríði.  Það er ekki rétt, þetta eru okkar stærstu viðskiptaþjóðir og mest af okkar gjaldeyri fyrir útflutning kemur frá Bretlandi og Hollandi.  Þetta er milliríkjadeila sem þarf að leysa.  Ég hef oft skrifað um lausnir á þessu.  Hugmynd hollenska prófessorsins að kalla til skulda ráðstefnu til að semja um allra skuldir Íslands er nokkuð sem ég hef skrifað um og sagt að hefði átt að gerast í nóvember 2008.  

Ef við ætlum að borga Icesave þá er besta að hafa ríkisábyrgð á þessu því þá er kostnaðurinn lágmarkaður.  Ef við hins vegar ætlum ekki að borga Icesave þá verðum við að fara í allsherjar skuldaniðurfellingarferli við erlenda lánadrottna.

Ég skrifa út frá efnahagslegum og viðskiptalegum sjónarhól ekki lagalegum eða þjóðernislegum, það geta aðrir gert.

Að breyta milliríkjadeilu sem við ættum að geta leyst í stríð sem við munum tapa er ekki skynsamlegt.  

[Kama Sutra, 6.1.2010 kl. 09:28]

Val

I beg to differ.  Andri Geir er einn af alltof fáum sem lítur raunsæjum augum á ástandið hérna.  Hann er ekki heltekinn af þeim lýðskrums- og þjóðrembubelgingi sem meirihluti þjóðarinnar virðist þjást af núna.  Fleiri mættu taka hann sér til fyrirmyndar.

Þetta blogg, ásamt örfáum öðrum, er ein besta greiningardeildin á ástandið hérna.

[Val (IP-tala skráð) 6.1.2010 kl. 11:43]

Sæll aftur.  "Þú gengur út frá að Bretar og Hollendingar séu óvinir okkar í stríði"  segir þú........

Ein spurning.  Hryðjuverkalög voru sett á okkur sem þjóð vegna fyrirtækis í eigu íslenskra aðila og erlendra.  Við lá að þeir tæku gullforða okkar í englandsbanka líka..........   Hvað er þetta annað en stríðsyfirlýsing.  Sjálfsvörn og ruddaskapur er ekki orðið að mínu mati heldur kúgun.

Þar fyrir utan ef ég veit rétt greiddu íslensku bankarnir skatta og skyldur erlendis af sinni starfsemi þar.  Er ábyrgð breta og hollendinga engin.

[Andri Geir Arinbjarnarson, 6.1.2010 kl. 12:09]

Val,

Fólk verður að vera samkvæmt sjálfu sér.   Hryðjuverkalögin voru sett á Landsbankann, einkabanka sem menn telja að komi landsmönnum ekkert við.  Ef við ætlum ekki að bora skuldir einkabanka eigum við ekki að kippa okkur upp við ef þessi sami einkabanki verður fyrir barðinu á erlendir löggjöf ekki frekar en ef íslenskur ríkisborgari er tekinn fyrir fíkniefnasmygl þá þýðir það ekki að allir Íslendingar séu eiturlyfjaneytendur.

[Val (IP-tala skráð) 6.1.2010 kl. 15:08]

Aftur smá misskilningur hjá þer minn kæri.  Beiting hryðjuverkalaga eða hluta þeirra bitnaði ekki aðeins á "Landsbanka" og eigendum hans heldur íslenskri þjóð því hún var um leið brennimerkt til mjög margra ára og það mun skaða okkur til lengri tíma litið meira en sjálf greiðsla Isslave skulda og deilur um hana.  Risabankar og þeir sem eiga fjármagn hafa ekki gullfiskaminni eins og kjósendur..................... 

[Einar Björn Bjarnason, 6.1.2010 kl. 15:16]

"...verðum við að fara í allsherjar skuldaniðurfellingarferli við erlenda lánadrottna."

-------------------------------

Sammála, þessum hluta.

Skuldir okkar eru of háar, en plan AGS var upphaflega soðið saman er skuldir okkar virtust vera nálægt 200%. Rúmlega 300% var einfaldlega ekki, þ.s. haft var í huga.

Skuldir okkar, eru hið mynnsta - þegar 25% of háar.

Þær þurfa því a.m.k að lækka um 25% héðan í frá, og alls ekki að hækka umfram það.

---------------------------------

Við erum á gjaldþrotsbrún, höfum verið það alla tíða síðan hrunið átti sér stað.

Við verðum að fara að undirbúa gjaldþrot, ekki endilega með það í huga, að stefna á að verða gjaldþrota, heldur einfaldlega vegna þess hve líkur á þeim endalokum eru háar.

Það styður einnig samningsstöðu okkar, að fara í slíkt undirbúningsferli.

Kv.

[Friðrik Hansen Guðmundsson, 6.1.2010 kl. 15:25]

Sæll Andri

Varðandi þessi hryðjuverkalög þá voru þau ekki bara sett á Landsbankann á sínum tíma.

Þau voru einnig sett á Kaupþing daginn eftir að Seðlabankinn lánaði bankanum stærsta lán Íslandssögunnar, 80 milljarða. Þessi hryðjuverkalög ollu því að Kaupþing féll.

En það dugði Bretum ekki að setja bara hryðjuverkalög á Landsbankann og Kaupþing. Þeir settu hryðjuverkalög á sjálfan Seðlabanka Íslands. Þannig frystu þeir inni gull- og gjaldeyrisforða íslenska ríkisins inni í Bretlandi en Seðlabankinn geymir þar þennan gull- og gjaldeyrisforða.

Fjárhagstjónið sem þessi hryðjuverkalög hafa valið okkur eru álíka og ef Bretar hefðu í okt. 2008 sent hingað sprengjuflugvélar og jafnað hálfa Reykjavík við jörðu.

Við verðum að átta okkur á því að Íslendingar eru ekki og hafa ekki verið í stríði við Breta. Bretar hafa hins vegar verið í stríði við okkur frá því í október 2008 og eru það enn eins og eins og Gordon Brown sagði hreint úr nú í vikunni.

[Andri Geir Arinbjarnarson, 6.1.2010 kl. 16:25]

Hvers vegna settu Bretar hryðjuverkalög á einkabanka? Var það vegna þess að stjórn þessara banka var alsaklaus?  Höfum við allar upplýsingar í hendi frá Bretum?  Mér finnst eins og mörgum hér á landi finnist Björgúlfur betri og heiðarlegri pappír en Bretar.  Sjaldan veldur einn þá tveir deila.

[Guðbjörg Þórðardóttir (IP-tala skráð) 6.1.2010 kl. 18:39]

Sæll aftur Andri Geir

Ég var með vangaveltur um vægi Icesave-skuldarinnar í íslensku og erlendu samhengi á blogginu hjá þér í morgun.  Hef grun um að þú gætir svarað spurningum mínum eða allavega bent mér á hver gæti það !!

með b.kv. GÞ

[Guðbjörg Þórðardóttir (IP-tala skráð) 6.1.2010 kl. 20:57]

Sæll enn og aftur (sabaraje ):

Hef verið að lesa ýmis svör og blogg um hitt og þetta, en ekki  finnst mér nú almennt fólk vera að tjá sig af miklu viti.  Þitt blogg er reyndar ein fárra undantekninga frá því.  Þess vegna spyr ég nú aftur !! (Sjá ofar).

Þú myndir sætta sál mína, hugsanir og pælingar um þetta "fokkings-helvítis" mál, þeas ÍSESLAVE íslendinga, ef þú annað hvort gætir gefið mér svörin sjálfur eða vísað mér leiðina að því hvar svör mín væru að finna.  Þetta er nú ekki farið að halda fyrir mér vöku ennþá en hver veit hvar þetta allt endar saman !!

Vonast eftir svari frá þér eða e-m sem kann á þessi mál.

með b.kv. GÞ

e-mail [e-mail]

[Andri Geir Arinbjarnarson, 7.1.2010 kl. 11:08]

Sæl Guðbjörg,

Takk fyrir innlitið.  Icesave skuldin er um 600 ma kr eða 40% af landsframleiðslu.  Hins vegar fæst upp í þetta með eignum Landsbankans en hversu mikið veit enginn.  Ætli 200 ma kr lendi ekki á þjóðinni en það er um 15% af heilarskuldum ríkissins.  Ástarbréf Seðlabankans verða okkur dýrari.