BBC segir að Bretar ætla að stoppa AGS lán og ESB umsókn

Breska ríkissjónvarpið, BBC, sagði í fréttum kl. 18.00 að Bretar myndu hvorki styðja ESB umsókn Íslands eða lánveitingar frá AGS.  Þá hefur Fitch lækkað lánsmat Íslands eins og vitað var niður í rusl.  Þetta þýðir hærri vaxtakostað eins og ég ræddi í mínum pistli:  "Forseti hafnar, vextir hækka".

Það er samt dásamlegt að vita að þjóðin getur sameinast í þjóðaratkvæðisgreiðslu með Ólafi Ragnari sem mun ekki þýða neitt, þar sem Bretar og Hollendingar munu túlka hana sem innlendan sirkus.

Með þessu áframhaldi verður stutt í bensínskömmtun á Íslandi til að spara gjaldeyri fyrir lyfjum og öðrum nauðsynjum.

Já, nú er munur að vera Ólafur Ragnar á Saga Class til London og síðan líklega á fyrsta farrými með British Airways til Indlands. Sá hlær best sem síðast hlær. 

Fitch lækkar lánshæfismat

Athugasemdir

[Jóhannes Laxdal Baldvinsson, 5.1.2010 kl. 18:49]

Þjóðernisrembingur hefur alltaf leitt til einangrunar. En þjóðernisrembingur hjá örþjóð er hlægileg heimska sem aðeins bitnar á okkur sjálfum

[Theódór Norðkvist (IP-tala skráð) 5.1.2010 kl. 19:39]

Það er kominn tími til að slíta stjórnmálasambandi við ofbeldisþjóðir eins og Bretland. Alþjóðlega rudda sem hafa hagað sér eins og fótboltabullur gagnvart Íslandi á alþjóðavettvangi.

[Grettir Gústason (IP-tala skráð) 5.1.2010 kl. 20:19]

Mikið væru það nú góðar fréttir. Ólafur er snillingur ef hann getur losað okkur við tvær plágur með því einu að gera ekki pennastrik! Ólafur lengi lifi. Húrra, húrra, húrra....

[Kristinn Pétursson, 5.1.2010 kl. 20:45]

Mark Flanagan er ekki sammála

[Andri Geir Arinbjarnarson, 5.1.2010 kl. 20:52]

Stýrir Mark Flanagan AGS?  Varla. Ekki frekar en Ólafur Ragnar.  Þetta er ekki á hendi eins manns.

[Helga Valfells (IP-tala skráð) 5.1.2010 kl. 23:56]

Þarf ekki bara að stofna Indefence gegn Indefence. Var þessi hópur ekki upphaflega stofnaður til að verja orðspor Íslands í Bretlandi