Norsk einkavinavæðing á Íslandi?

Þetta framtak fyrrverandi Seðlabankastjóra er gott svo langt sem það nær, en heldur hefði ég viljað sjá breiðan hóp fjárfesta frá öllum Norðurlöndunum.  Er þessi hópur Norðmanna vinir og kunningjar fyrrverandi Seðlabankastjóra? 

Þetta hljóma nú næstum eins og innherjaviðskipti.  Fyrrverandi Seðlabankastjóri hafði aðgang að upplýsingum um íslensk auðæfi og tækifæri sem aðrir hafa ekki.  Er eðlilegt að hann noti þessar upplýsingar til að hygla fjárfestum frá Noregi?  Er það eðlilegt að Sveinn Harald sé að bjóða erlendum fjárfestum frá sínu heimalandi hingað til lands á meðan hann er Seðlabankastjóri og blanda lögfræðingi sem er háttsettur innan norska Verkamannaflokksins í málið? Hér er Svein Harald að leika sama leik og Ólafur Ragnar á sínum tíma, en á miklu vafasamari grunni.

Nú verðum við að sjá svo um að eðlileg samkeppni og jafnar leikreglur gildi um fjárfestingar í okkar atvinnulífi.  Ef Norðmenn hafa áhuga á að fjárfesta hér eru miklar líkur á að sænskir fjárfestar hafi það líka, svo framarlega sem þeir hafi jafnan aðgang af upplýsingum á við norsku fjárfestana.

Vilja setja fé í endurreisnina

Athugasemdir

[Jóhann Elíasson, 5.9.2009 kl. 08:36]

"Þetta er samsæri"  Norðmenn ætla að leggja landið undir sig og Ísland verður að héraði í Noregi, en Íslendingar fá EKKI Norskan ríkisborgararétt og koma því ekki til með að fá kosningarétt og hafa þannig áhrif á gang mála þar enda vitleysingar sem vilja ganga í ESB sem ekki er hlustandi á.

[Gunnr (IP-tala skráð) 5.9.2009 kl. 08:58]

Ég held hreinlega að þetta sé ekkert samsæri, það er klárlega að það stórvantar fé í fjárfestingar á Íslandi og auðvitað kemur enginn erlendur fjárfestir nálagt Íslandi nema með töngum og nefklemmu. Við erum brennimerkt og í fjötrum krónu og gjaldeyrishafta.

Minni á að fyrrum Seðlabankastóri og fyrrum viðskiptaráðherra Framsóknarflokksins Finnur Ingólfsson og átti sæti í þáverandi einkavæðinganefnd tók sjálfur góða bita og gaf sínum.

Held nú annars að þeim Norðmönnum gangi gott eitt til. Annars er það algjör fásinna að eyrnamerkja Svein Harald sem einhvern vinstrimann hann kemur úr forstjórastöðu í því þekkta bandaríska ráðgjafafyrirtæki McKinsey & Comp. í Evrópu. http://en.wikipedia.org/wiki/McKinsey_%26_Company Það fyrirtæki er álitið er eitt besta í sinni röð enda fékk maðurinn ekki nema brotabrot af launum sínum sem Seðlabankastjóri á "brandaraeyjunni" Íslandi. Hann var fyrir næstum 20 árum í tengslum við Norska Verkamannaflokkinn og hægri hluti hennar er langt inn í íslenska Sjálfstæðisflokknum á íslenska pólitíska skalanum. Hann er náttúlega ekki tengdur neinum sérstökum á Íslandi og er ekki í the icelandic establishment enda var það eina sem honum var fundið til vansa að vera ekki með íslenskt vegabréf.

Hverjar leynilegu upplýsingar hann ætti að hafa fengið er mér ókunnugt um og efast hreinlega um það. Held í raun að þetta hafi verið duglegur og heiðarlegur maður sem vann af hlutleysi fyrir land og þjóð.

Sannleikurinn er að Íslendingar hafa misst sitt efnahagslega sjálfstæði og engin áhrifaþjóð hefur áhuga á okkur.

Ég held að það væri ekkert slæmt fyrir okkur að styrkja okkar samstarf við Noreg enda er það þjóð sem gæti hjálpað okkur og vill okkur vel.

[Björn Kristinsson (IP-tala skráð) 5.9.2009 kl. 09:04]

Höfuð við efni á að hafna erlendu fjármegni sem vill koma hingað til lands ?

Er Ísland "heitasti" fjárfestingarkosturinn í dag ?

Standa erlendir fjárfestar í biðröðum við að komast að álitlegum fjárfestingarkostum hér á landi ?

Eru útlönd og útlendingar aðeins nothæfir við ákveðna ástæður ?

Verðum að vera sjálfum okkur samkvæm. Andri, sé ekkert neikvætt við þetta, þú verður að fyrirgefa. Það er stjórnvöld að setja leikreglurnar um gegnsæi og eðlilega fjárfestingarstefnu. Af örðum þínum að dæma má líta svo á að þú teljir stjórnvöld ekki treystandi til að setja slíkar reglur. Þar deili ég sömu skoðun (ef svo er af þinni hendi).

[Hallur Magnússon, 5.9.2009 kl. 09:08]

Held ég sé ekki að brjóta trúnað þegar ég upplýsi að Endre Røsjø og Ingjald Ørbeck Sørheim hófu að ræða við lykilmenn í viðskiptalífinu í vor - og hafa verið að vinna að því að fá norska fjárfesta með sér til að byggja upp íslenskt efnahagslíf.

Ástæðan fyrir því er fyrst og fremst að þessum mönnum þótti illa farið með Ísland og töldu sig geta aðstoðað okkur.

Það er að sjálfsögðu eðlilegt að fyrst Svein-Harald vill aðstoða þá - og okkur Íslendinga - með því að koma á fundum við lykilmenn í lífeyrissjóðum og annars staðar - að hann geri það!

[Gunnr (IP-tala skráð) 5.9.2009 kl. 09:08]

http://www.ukeavisenledelse.no/ledelse/20090228/blank/

Ég hef farið í gegnum norsk blöð um manninn og þar fær hann góða dóma álitinn, faglega duglegur og hefur gríðarlega vinnuhörku og vinnugetu. Þótt Davíð Oddsson fann hann ekki á Google var væntanlega merki um að hann skrifaði væntanleg Ö fyrir Ø.

http://no.wikipedia.org/wiki/Svein_Harald_Øygard

Heimóttarskapi Íslendinga virðast stundum engin takmörk sett.

[Andri Geir Arinbjarnarson, 5.9.2009 kl. 09:14]

Gunnar,

Ég er viss um að Svein Harald er að reyna að gera sitt til að koma með erlent fjármagn til landsins en það verður að gæta jafnvægis.  Það er mjög óeðlilegt að Seðlabankastjóri sé að reyna að fá prívat fjármagn frá einum hópi fjárfesta.  

Seðlabankastjóri á að vera óháður aðili en ekki á kafi í viðskiptabraski.  Hvers vegna var þetta ekki gert fyrir opnum tjöldum og öðrum fjárfestum boðið til viðræðna líka.  Hefði ekki átt að auglýsa þetta opinberlega?

Hvers vegna varð þessi Endre Røsjø fyrir valinu?  Varla er hann eini fjárfestirinn á Norðurlöndunum?

Ég efast ekki um að þessi Endre er heiðarlegur maður en hann er fyrst og fremst fjárfestir fyrir sjálfan sig og sína, og ef hann er úr skóla hins sænska Jan Stenbeck þá er hann harðjaxl og vanur að taka áhættu.

[Gunnr (IP-tala skráð) 5.9.2009 kl. 09:17]

Minni á það að þessi gríðarlegi Olíusjóður Noregs með 2500 miljarða Nkr (x21 = 52.500 miljarða Íkr) keypti hlutabréf fyrir 1000 miljarða Nkr núna á vordögum þegar þau voru á útsölu og var þá lang stærsti kaupandi hlutabréfa í heiminum á alþjóða mörkuðum meðan aðrir voru að selja á útsölu. Hagnaðurinn af þessum kaupum 270 miljarðar Nkr. bara á 2.ársfjórðungi þessa árs sem gerir um 5600 miljarða Íkr. Minni á að Icesave skuldin er um 30 miljarða Nkr. Já þetta eru alvöru peningar ekki eitthvað veðsettloft.

Held það sé í raun skynsamlegt fyrir okkur að hafa gott samstarf við þessa frændur okkar enda eru margir sameiginlegir hagsmunir þar.

Norðmenn eru með alvöru hlutabréfamarkað og alvöru verðmæti meðan þetta virðist allt hafa stropast hjá okkur.

[Gísli Gunnlaugsson (IP-tala skráð) 5.9.2009 kl. 09:21]

Hverslags barnaskapur er þetta eiginlega?  Norskur auðmaður er ekki að fara að spreða peningum sínum hér vegna þess að honum finnst ílla hafa verið farið með "sine kjære Nordiske venner".  Þetta gengur út á að hámarka ávöxtun peninganna - því annars fer fjárfestirinn á hausinn eins og kollegar hans á Íslandi gerðu.  Hér eru menn að fara að fjárfesta í íslenskri orku og hráefnaauðlindum því þeir vita að okkur vantar peninga og hér ætti því að vera hægt að gera góð kaup.  Aðrðurinn af þessum auðlindum verður síðan fluttur til Noregs og mun bæta lífskjör þar á kostnað barnanna okkar.  Alþjóðakapítalismi er ekkert skátastarf!  Við verðum að fara að fatta grundvallaratriði.

[Andri Geir Arinbjarnarson, 5.9.2009 kl. 09:23]

Björn,

Það eru leikreglurnar sem ég hef áhyggjur af.  Ég er viss um að allt er þetta besta fólk og vill okkur vel en það er ekki nóg.  Á ekki allt að vera opið og gegnsætt hér á landi? Ef svo er, þá á að sjá svo um að aðrir fjárfestar fái sama aðgang að upplýsingum og fái að hitta og tala við Seðlabankastjóra á jafnréttisgrundvelli.

Svona ferli hefði þurft að auglýsa í erlendu pressunni, t.d. FT og The Economist, þar sem öllum erlendum fjárfestum sem uppfylltu ákveðin skilyrði væri boðið til viðræðna og gefið tækifæri að senda inn tilboð hvernig þeir kæmu að uppbyggingu hér í samvinnu við lífeyrissjóðina.

Þó að allt sé í "steik" hér megum við heldur ekki vanmeta fjárfestingartækifærin hér á landi til lengri tíma.

[Gunnr (IP-tala skráð) 5.9.2009 kl. 09:28]

Við getum náttúrlega gefið skít í heiminn, já jafnvel haldið því fram að OECD séu frá Samfylkingunni, og allt er plott til að koma okkur í Evrópubandalagið.

Já við getum náttúrlega valið það að loka landinu og orðið alvöru fátækrarhólmi stjórnað af ósigldum íslenskum lagatæknum.

Það er enginn vandi að keyra Ísland alveg í strand. Það versta er að enginn myndi í raun taka eftir því.

Á Íslandi var aldrei neitt alvöru viðskiptalíf þetta var dæmigerður "crony capitalism" http://en.wikipedia.org/wiki/Crony_capitalism sem byggðist á innherjaviðskiptum, pólitískri spillingu, með engu eftirliti, flóknu neti eignarhaldsfélaga í gegnum skattaskálkaskúmaskot og í raun er þetta eitt gígantískt ENRON svindlmál bara miklu miklu víðtækara og stærra. Enginn virðist aksla neina pólitíska ábyrgð á þessu.

[Gunnr (IP-tala skráð) 5.9.2009 kl. 09:37]

Það sem ég í raun óttast að við verðum varanlega fátækrarhólmi þar sem ríkisvaldið ræður nánast öllu. Ég get ekki beint séð að það sé að flæða fjármagn til landsins frekar í hina áttina það bíða um 400-600 miljarðar hér eftir tækifæri til að losna úr landinu og gjaldeyrisbrask og að komast fram hjá þessum höftum er orðið aðalatvinna fyrverandi "fjármálasnillinga" þessa lands.

Annars er það rétt að með gjaldeyrishöftunum sem ég að óbreyttu sé ekki að við losnum út úr á næstunni er í raun litla erlenda fjárfestingu að hafa.

Hvað höfum við að bjóða? Orkan er þegar nýtt og ekki pólitískur vilji til stóriðju. Ferðamannaþjónusta, já en það er í raun bara lítill hluti af árinu og mestur hluti þeirrar fjárfestingar er ónýttur. Fiskveiðar, tja það verður ekkert meiri fiskur og auknar veiðar þýða meiri olíunotkun og olían á eftir að hækka í verði. Ekki er þjóðin sérstklega menntuð miðað við nágrannalöndin okkar í raun liggjum við með neðstu OECD löndunum. Við eigum gríðarlega marga viðskiptafræði og hagfræðimenntað fólk og gríðarlega marga menntaða í íslenskum lögum en mjög mjög fáa vel menntaða realista og verkfræðinga og tæknimenntað fólk miðað við nágrannalöndin.

[Gísli Gunnlaugsson (IP-tala skráð) 5.9.2009 kl. 09:50]

Gunnar.  Ég held að þú sért kominn aðeins of langt núna.  Ísland var galopnað fyrir fjármagnsflutningum og niðurstaða þess er sú að fátækt á Íslandi er að verða almenn.  Íslenskur almenningur er þegar orðinn fátækur.  Það gerðist ekki vegna þess að lokað var fyrir erlent fjármagn - heldur þrátt fyrir að það var ekki gert.   Það þarf að beita yfirvegun og hyggindum við að hámarka arðinn af auðlindum landsins og tryggja það að afraksturinn renni til allra landsmanna.  Við erum búin að prufa hina aðferðina. 

[Gunnr (IP-tala skráð) 5.9.2009 kl. 10:02]

En Gísli það hefur ekki verið nein erlend fjárfesting á Íslandi ef undanskilið er þessar álbræðslur. Í raun voru engir erlendir eigendur að bönkunum, FL-group, Exista, Eimskip og ég efast um DeCode þar held ég að megið af eignarhaldinu hafi í raun verið íslenskt enda var Hannes Smárason sérstaklega duglegur að selja það á sínum tíma.

Útlendingar voru búnir að sjá í gegnum þessar fjármálavindmillur þegar 2006 og ekkert erlent fé hefur í raun verið hér. Núna eru lánadrottnar bankanna komnir en þeir held ég séu einungis að lágmarka sitt tap enda er áhuginn á Íslandi algjörlega míkróskópískur.

[Gunnr (IP-tala skráð) 5.9.2009 kl. 10:08]

Það sem mun koma í ljós er að fyrirtæki muni flýja land enda er rekstrarumhverfi nánast ótækt. Að vera læst inn á Íslandi hindrar aðgengi að lánsfé og lágt og væntanlega sveiflukennt gengi a íslensku krónunni. CCP gæti pakkað saman og flutt til Atlanta á 2 vikum. Marel er búið að bræða saman við hollenskt félag og Össur er einungis með overhead og þróunarstarfsemi á Íslandi allt annað er að mestu flutt erlendis. DeCode er í raun gjaldþrota.

Að ný sprotafyrirtæki geti lifað af er náttúrlega ekkert sértaklega glæsilegt. Gríðarlegt gengisfall krónunnar hefur náttúrlega lækkað laun en það snýst vonandi við innan fárra ára og hvar stöndum við þá?

[Einar (IP-tala skráð) 5.9.2009 kl. 10:38]

fyrir nokurum árum kvartaði Halldór Ásgrímsson við þennan sjóð.. eða Norsk stjórnvöld vegna spákaupmensku með Íslensku krónuna

[Helga (IP-tala skráð) 5.9.2009 kl. 13:00]

Mér finnst spurningar þínar, Andri, vera mjög eðlilegar. Það getur ekki verið rangt að spyrja.

[Andri Geir Arinbjarnarson, 5.9.2009 kl. 14:19]

Helga,

Fyrir þá sem ekki hafa lesið Morgunblaðið í dag segir þar:

„Svein Harald Øygard, þáverandi
seðlabankastjóri, bauð mér hingað í
apríl. Ætlun hans var að leiða saman
fjárfesta til að koma að fjárfestingu í
íslenskum fyrirtækjum og stuðla að
endurreisn íslensks efnahagslífs,“
segir Røsjø,"

Hvað fjárfestum bauð Seðlabankastjóri hingað? Á hvaða forsendum voru þeir valdir?  Hvaða upplýsingar fengu þeir?  Er það í verkahring óháðs Seðlabankastjóra að vera að bjóða prívat fjárfestum og gefa þeim aðgang og upplýsingar?  

Er ekki eðlilegt að spyrja þessara spurninga í lýðræðisþjóðfélagi?

Ef norski Seðlabankastjórinn væri að bjóða sænskum fjárfestum prívat til að ræða fjárfestingar í Noregi, er ég ansi hræddur um að uppi yrði fótur og fit í norska þinginu!

[Margrét Einarsdóttir Long (IP-tala skráð) 5.9.2009 kl. 15:17]

Svein er ekki lengur Seðlabankastjóri.

Ég vil frekar fá peninga frá Noregi til að styrkja atvinnulíf heldur en að gefa Kanadamönnum hlut í auðlindum okkar. 

Hvað viit þú ?  Hvaðan eiga peningar að koma ?

Hingað koma bara peningar sem vilja koma hingað.

Ég ræð svosum engu, ég bara bý hérna. ..... 

[Andri Geir Arinbjarnarson, 5.9.2009 kl. 15:25]

Margrét,

Sveinn var Seðlabankastjóri þegar Rösjö segir að honum hafi verið boðið til Íslands. 

Þetta snýst ekki um peninga heldur almennar siðareglur. 

Sitjandi, óháður Seðlabankastjóri býður ekki prívat fjárfestum til að ræða fjárfestingar og alls ekki fyrir luktum tjöldum og segir svo ekki frá fyrr en hann er hættur.

Finnst Íslendingum virkilega að þessi vinnubrögð séu í lagi bara af því að þessir menn eru með norskan passa en ekki kanadískan?   

[Jakobína Ingunn Ólafsdóttir, 5.9.2009 kl. 15:27]

Væri ekki allt í lagi að við gefum okkur tíma til þess að byggja upp á eigin forsendum. Til hvers að selja auðlindirnar í hendum erlendum aðilum sem hirða arðin úr landi. Það þjónar ekki almenningi.

Þessi hugmynd um erlenda fjármögnun byggir á óþolinmæði og græðgi fámenns hóps sem vill hafa það gott STRAX á kostnað afkomenda okkar.

Komandi kynslóðum er ætlað að taka á sig fátæktina sem þetta lið hefur skapað.

[Andri Geir Arinbjarnarson, 5.9.2009 kl. 16:31]

Að norski forsætisráðherrann sé að troða sínum manni inn hér sem Seðlabankastjóra sem síðan er með prívat fundi með norskum fjárfestum sem tengjast norska Verkamannaflokknum er vægast sagt full langt gengið. 

Hvað ætli norska þingið segi um þessi vinnubrögð eða norskir kjósendur?

[Jón Baldur Lorange, 5.9.2009 kl. 18:14]

Áhugavert sjónarmið hjá þér Andri Geir sem ætti að vekja menn til umhugsunar, svo ekki sé meira sagt.

[Björn Kristinsson (IP-tala skráð) 5.9.2009 kl. 20:05]

Ég verð svo sem að játa að í þessu eins og öðru hefur maður ekki öll spilin í hendinni. Hafi svo verið að forleikurinn að þessu hafi verið í vafasamara lagi þá er það mjög ámælisvert og skiptir þá engu hvort viðkomandi seðlabankastjóri var norskur eða af öðru þjóðerni.

Andri, kjarninn í fyrri pósti mínum var reyndar sá að það sé stjórnvalda og eftirlitsstofnanna að sjá til þess að fjármálamarkaðir og leikreglur hins opinbera séu gegnsæir. Sé slíkt ekki til staðar höfum við EKKERT lært.

Ég get alveg játað að ég ber takmarkað traust til þess að þær leikreglur sem þurfa til eðlilegrar fjármálastarfsemi og fjárfestingar verði settar af núverandi stjórnvöldum eða næstu yfirboðurum þessa lands. Sárt að segja það en það er ekkert í loftinu sem sýnir að menn ætli sér að breyta til.

[Björn Kristinsson (IP-tala skráð) 5.9.2009 kl. 20:27]

Varðandi fjárfestingar á Íslandi þá er það grátbroslegt að vegna fall krónunnar þá eru álitlegustu fjárfestingarkostirnir á brunaútsölu í dag, jafnvel fyrir fjárfesta frá BNA þótt USD hafi fallið svo mjög gagnvart EUR.

Verðskyn okkar á vörur og upphæðir er orðið svo bjagað að við áttum okkur ekki á þeim fjárhæðum sem er verið að bjóða upp á.

Er t.d. 20 milljarða IKR fjárfesting á Íslandi mikið fyrir Norðmenn ?

Tvö dæmi:

1) Aker seafood (http://www.akerseafoods.com/) er sambærilegt fyrirtæki og mörg af íslensku útgerðarfyrirtækjunum. Verðmæti þess er um 560 milljónir NOK

2) Meðalmaður í Noregi hefur um 1900 L af bensíni (95) í mánaðarlaun á meðan sá íslenski um 1200 L (skattar á eldsneyti í Noregi hærri en á Íslandi ef eitthvað er vegna CO2 skattinn hjá þeim).

Sammála þér Andri að svo fremi sem aðferðarfræðin er í lagi þá eru fjárfestar velkominir til Íslands. Við verðum hins vegar að gæta okkar að selja ekki feitustu bitana á brunaútsölu.

[Andri Geir Arinbjarnarson, 5.9.2009 kl. 20:36]

Björn,

Alveg sammála, og alls ekki selja feitustu bitana til næsta nágranna undir borðið áður en aðrir kaupendur mæta til leiks.

[Sævar Finnbogason, 6.9.2009 kl. 12:45]

Sæll Andri

Ég er sammála því að þetta lítur ekki vel út. Að auki er engin ástæða að ætla að betra sé að fá hingað Norska fjárfesta með innherja upplýsingar í pokahorninu en aðra fjárfesta. Ég minni til dæmis á Elkem sem rekur hér Járnblendið og hefur staðið sig afar illa í umhverfismálum og sífellt hótandi lokun ef hert verður að þeim. Á sama tíma vilja þeir nær gefins rafmagn og eru með áform um stækkun. Þeir eru ekkert betri en aðrir og það er afskaplega spaugilegt að fylgjast með fjármálaráðherra sem hefur einhverjar einhverjar barnalegar hugmyndir um frændskap við Norðmenn eins og þeir séu eitthvað öðruvísi en aðrir þegar kemur að peningum.

[Gunnr (IP-tala skráð) 6.9.2009 kl. 13:16]

Það sem er spurningin er hvort við viljum fá erlent fjármagn til Íslands? Áhugi á Íslandi er geysilega lítill og í stóriðju var fólk nánast dregið að borðinu á sínum tíma.

Það er náttúrulega barnaskapur að fólk komi inn með fjármagn inn í fjárvana íslenskt efnahagslíf án þess að græða á því. Væntanlega verður það mikill gróði enda er allt hér meira eða minna á útsölu. Hinn möguleikinn er að vilja ekki erlent fjármagn. Gjaldeyrishöft og vinstristjórn er ekkert sérstaklega áhrifaríkur kostur

[Gunnr (IP-tala skráð) 6.9.2009 kl. 13:21]

20 miljarðar Íkr er tæpur 1 miljarður Nkr er skiftimynt. Miðað við verðmætin sem norska ríkið á Olíusjóðurinn 2500 miljarðar Nkr, Statoil-Hydro, Telenor ofl eins er hlutabréfamarkaðurinn á Íslandi algjör fimmaurasjoppa. Allt virðist hér hafa orðið að sandi, fiskeldið, refaræktin og ekki minnast á fjármálafyrirtækin sem reyndust bara fjármálavindmillur.

[Björn Bjarnason, 6.9.2009 kl. 16:15]

Það er stórgott að fá erlent fjármagn hingað til lands. En hitt er annað mál hvort að þessum Sveini Haraldi sé á einhvern hátt treystandi. Þar deili ég með þér áhyggjunum Andri Geir.

[Sævar Finnbogason, 6.9.2009 kl. 19:30]

Fjármagn mun koma inní landið þegar við komum okkar málum í sæmilegt lag. Það sem við verðum að gera að er að verja inviði samfélagsins eins og við getum og nýta það fjármagn sem við fáum að láni á næstunni til þess, ekki til að halda uppi genginu heldur til að halda innviðunum.

[Andri Geir Arinbjarnarson, 7.9.2009 kl. 05:49]

Það er alveg rétt sem komið hefur fram hér að við þurfum fjármagn erlendis frá og því miður hefur ekki verið staðið nógu vel að kynningu á tækifærum hér á landi.  Það er alveg á hreinu að ef hópur norskra fjárfesta hefur áhuga þá hafa aðrir það.  Það sem fjárfestar eru einkum að reyna að finna eru góð tækifæri sem enginn annar veit um eða hefur nægar upplýsingar um. 

Ég er ansi hræddur um að þetta sé lúmskur bjarnargreiði af hendi fyrrum Seðlabankastjóra.